Saturday, October 3, 2020

14.10 我欲緊來 kap 你做伙生活

14.10 Góa boeh kín lâi kap lí chò-hóe seng-oa̍h
Jiân-āu, iōng he kāng-khoán jia o͘-iáⁿ ê ba̍k-chiu, koh ke chi̍t-têng ná teh khùn ê ì-sek ê hóe-iām, i khòaⁿ yi.
"Chit-chūn màng mn̄g óa sáⁿ," i kóng. "Hō͘ óa chò ka-kī. Óa kah-ì lír. Óa ài lír, lír taⁿ tó tī hia. Cha-bó͘ sī khó-ài ê mi̍h-kiā, yi ū chhim-khang thang kàn, ū hó ê kóe. Óa ài lír, lír ê tōa-thúi, hām lír ê hêng-thé, lír sī cha-bó͘ ê chióng-chióng . Óa ài lír sī cha-bó͘ ê chióng-chióng. Óa ê lān-hu̍t-á hām óa kui-ê sim lóng ài lír. M̄-koh, chit-chūn màng mn̄g óa sáⁿ. Taⁿ, hō͘ óa chò ka-kī, màng pek óa. Í-āu lír mn̄g óa sáⁿ lóng ē-sái. Taⁿ hō͘ óa chò ka-kī, chò ka-kī!"
I kā un-jiû ê chhiú khǹg tī yi he Ài-sîn ê soaⁿ-lūn téng, khǹg tī he jiû-nńg chang-sek ê mo͘-châng téng, i ka-tī tiām-tiām, chhiah-khò͘-lān chē tī bîn-chhn̂g, i ê bīn tìn-chēng bô tāng, ná-chhiūⁿ hu̍t-chó͘ ê bīn. Bô tāng, tī khòaⁿ bē-tio̍h ê lēng-gōa chi̍t-ê ì-sek hóe-iām, i chē leh, chhiú tī yi sin-khu téng, tán-thāi choán-piàn.
Kòe chi̍t-khùn, i the̍h i ê siatchuh, chhēng khí-lâi, chin kín chēng-chēng chhēng hó-sè, yi iáu sī lō͘-thé tó leh, kui-sin chhián-kim-sek, ná chi̍t-lúi bîn-chhn̂g téng ê Gloire de Dijon mûi-kùi; i koh kā yi khòaⁿ chi̍t-ē, tō lī-khui. Yi thiaⁿ tio̍h i lo̍h-lâu, khui mn̂g.
Yi iáu sī tó leh, siūⁿ koh siūⁿ. Chin kan-khó͘ lī-khui, lī-khui i ê siâm kap lám. I ùi lâu-thui-thâu kiò siaⁿ: "Chhit-tiám pòaⁿ!" Yi thó͘-khùi, khí-chhn̂g. Khang-khang ê pâng-keng! Tî-liáu sió thoah-á-tû kap sè téng chhn̂g, siáⁿ to bô. M̄-koh chhâ-pang ê tē-pán chhit kah chin chheng-khì. Tī gô-thâu-piah thang-á piⁿ ū chi̍t-ê kè-á, téng-koân ū kúi-pún chheh, ū-ê sī sûn-hôe tô͘-su-koán chioh ê. Yi kā khòaⁿ chi̍t-ē. Ū-ê sī iú-koan Bolshevik Rusia, a̍h sī lí-hêng, chi̍t-pún iú-koan goân-chú kap tiān-chú, lēng-gōa chi̍t-pún iú-koan tē-kiû he̍k-sim ê cho͘-sêng kap tē-tāng ê goân-in, koh ū chi̍t-kóa sió-soat, ū saⁿ-pún iú-koan India. Án-ne khòaⁿ, i chóng-sī chi̍t-ê ài tha̍k-chheh ê lâng.
Ji̍t-thâu ùi gô-thâu-piah ê thang-á chiò tio̍h yi lō͘-thé ê sù-ki. Gōa-kháu, yi khòaⁿ tio̍h káu-á Flossie teh lin-long-se̍h. Chang-sek koeh-niau (hazel-brake) ē-bīn chhap-cha̍p tio̍h chheⁿ-sek a̍h àm-chheⁿ-sek ê chúi-gîn-chháu (dogs-mercury). Che sī chi̍t-ê chheng-lóng ê chá-khí, chiáu-á poe koh hoaⁿ-hí chhiùⁿ-koa. Yi nā ē-tàng lâu tī chia tō hó lah! Nā bô hiah-ê khó-phà ê ian-bū kap kǹg-thih ê sè-kài tō hó lah! I nā ē-tàng ūi yi chhòng-chō chi̍t-ê sè-kài tō hó lah.
Yi lo̍h-lâu, kiâⁿ kiā koh e̍h ê chhâ lâu-thui lo̍h-lâi. Jû-kó chit-keng sè chhù ka-tī sī chi̍t-ê sè-kài, yi mā ē boán-chiok.
I í-keng sé hó, móa bīn chheng-sin, piah-lô͘ ê hóe teh to̍h.
"Lí boeh chia̍h siáⁿ bô?" i mn̄g.
"Bián! Chioh góa chi̍t-ki loa̍h-á."
Yi tòe i ji̍p phian-pâng, tī hia khòaⁿ mn̂g-āu chi̍t-ê sè-sè ê kiàⁿ loa̍h yi ê thâu-chang. Taⁿ yi chún-pī boeh lī-khui ah.
Yi khiā tī mn̂g-chêng ê sió hoe-hn̂g, khòaⁿ tàng-lō͘-chúi ê hoe, chi̍t kó͘ í-keng puh-m̂ ê chián-jiông-hoe.
"Góa lêng-goān í-gōa ê sè-kài lóng siau-sit khì," yi kóng, "kan-ta tī chia kap lí chò-hóe seng-oa̍h."
"He bô khó-lêng siau-sit khì." i kóng.
In chha-put-to sī chēng-chēng kiâⁿ kòe tàng-lō͘-chúi ê chhiū-nâ. M̄-koh in sī chò-hóe tī in ka-tī ê sè-kài ni̍h.
Tńg-khì Wragby, tùi yi sī kan-khó͘ ê tāi-chì.
"Góa boeh kín-kín lâi kap lí chò-hóe seng-oa̍h," yi boeh lī-khui i ê sî án-ne kóng.
I chhiò-chhiò, bô kā ìn.
Yi chēng-chēng tńg chhù, bô lâng chù-ì tio̍h, tō peh chiūⁿ yi ê pâng-keng.
--
14.10 我欲緊來 kap 你做伙生活
然後, 用彼仝款 jia 烏影 ê 目睭, koh 加一 têng ná teh 睏 ê 意識 ê 火焰, 伊看她.
"這陣 màng 問 óa sáⁿ," 伊講. "予 óa 做 ka-kī. Óa 佮意 lír. Óa 愛 lír, lír 今倒 tī 遐. 查某是可愛 ê 物 kiā, 她有深空通 kàn, 有好 ê 粿. Óa 愛 lír, lír ê 大腿, 和 lír ê 形體, lír 是查某 ê 種種 . Óa 愛 lír 是查某 ê 種種. Óa ê 膦核仔和 óa 規个心攏愛 lír. M̄-koh, 這陣 màng 問 óa sáⁿ. 今, 予 óa 做 ka-kī, màng 迫 óa. 以後 lír 問 óa sáⁿ 攏會使. 今予 óa 做 ka-kī, 做 ka-kī!"
伊 kā 溫柔 ê 手囥 tī 她彼愛神 ê 山崙頂, 囥 tī 彼柔軟棕色 ê 毛叢頂, 伊家己恬恬, 赤褲膦坐 tī 眠床, 伊 ê 面鎮靜無動, ná 像佛祖 ê 面. 無動, tī 看袂著 ê 另外一个意識火焰, 伊坐 leh, 手 tī 她身軀頂, 等待轉變.
過一睏, 伊提伊 ê siatchuh, 穿起來, 真緊靜靜穿好勢, 她猶是露體倒 leh, 規身淺金色, ná 一蕊眠床頂 ê Gloire de Dijon 玫瑰; 伊 koh kā 她看一下, tō 離開. 她聽著伊落樓, 開門.
她猶是倒 leh, 想 koh 想. 真艱苦離開, 離開伊 ê 尋 kap 攬. 伊 ùi 樓梯頭叫聲: "七點半!" 她吐氣, 起床. 空空 ê 房間! 除了小屜仔櫥 kap 細頂床, 啥都無. M̄-koh 柴枋 ê 地板拭 kah 真清氣. Tī gô 頭壁窗仔邊有一个架仔, 頂懸有幾本冊, 有 ê 是巡迴圖書館借 ê. 她 kā 看一下. 有 ê 是有關 Bolshevik Rosia, 抑是旅行, 一本有關原子 kap 電子, 另外一本有關地球核心 ê 組成 kap 地動 ê 原因, koh 有一寡小說, 有三本有關 India. Án-ne 看, 伊總是一个愛讀冊 ê 人.
日頭 ùi gô 頭壁 ê 窗仔照著她露體 ê 四肢. 外口, 她看著狗仔 Flossie teh lin-long 踅. 棕色蕨貓 (hazel-brake) 下面插雜著青色抑暗青色 ê 水銀草 (dogs-mercury). 這是一个清朗 ê 早起, 鳥仔飛 koh 歡喜唱歌. 她若會當留 tī 遮 tō 好 lah! 若無 hiah-ê 可怕 ê 煙霧 kap 鋼鐵 ê 世界 tō 好 lah! 伊若會當為她創造一个世界 tō 好 lah.
她落樓, 行崎 koh e̍h ê 柴樓梯落來. 如果這間細厝家己是一个世界, 她 mā 會滿足.
伊已經洗好, 滿面清新, 壁爐 ê 火 teh to̍h.
"你欲食啥無?" 伊問.
"免! 借我一支捋仔."
她綴伊入偏房, tī 遐看門後一个細細 ê 鏡捋她 ê 頭鬃. 今她準備欲離開 ah.
她徛 tī 門前 ê 小花園, 看凍露水 ê 花, 一股已經 puh 莓 ê 剪絨花.
"我寧願以外 ê 世界攏消失去," 她講, "干焦 tī 遮 kap 你做伙生活."
"彼無可能消失去." 伊講.
In 差不多是靜靜行過凍露水 ê 樹林. M̄-koh in 是做伙 tī in 家己 ê 世界 ni̍h.
轉去 Wragby, 對她是艱苦 ê 代誌.
"我欲緊緊來 kap 你做伙生活," 她欲離開伊 ê 時 án-ne 講.
伊笑笑, 無 kā 應.
她靜靜轉厝, 無人注意著, tō peh 上她 ê 房間.
--
14.10
Then with the same eyes darkened with another flame of consciousness, almost like sleep, he looked at her.
‘Dunna ax me nowt now,’ he said. ‘Let me be. I like thee. I luv thee when tha lies theer. A woman’s a lovely thing when ’er’s deep ter fuck, and cunt’s good. Ah luv thee, thy legs, an’ th’ shape on thee, an’ th’ womanness on thee. Ah luv th’ womanness on thee. Ah luv thee wi’ my bas an’ wi’ my heart. But dunna ax me nowt. Dunna ma’e me say nowt. Let me stop as I am while I can. Tha can ax me iverything after. Now let me be, let me be!’
And softly, he laid his hand over her mound of Venus, on the soft brown maiden-hair, and himself sat still and naked on the bed, his face motionless in physical abstraction, almost like the face of Buddha. Motionless, and in the invisible flame of another consciousness, he sat with his hand on her, and waited for the turn.
After a while, he reached for his shirt and put it on, dressed himself swiftly in silence, looked at her once as she still lay naked and faintly golden like a Gloire de Dijon rose on the bed, and was gone. She heard him downstairs opening the door.
And still she lay musing, musing. It was very hard to go: to go out of his arms. He called from the foot of the stairs: ‘Half past seven!’ She sighed, and got out of bed. The bare little room! Nothing in it at all but the small chest of drawers and the smallish bed. But the board floor was scrubbed clean. And in the corner by the window gable was a shelf with some books, and some from a circulating library. She looked. There were books about Bolshevist Russia, books of travel, a volume about the atom and the electron, another about the composition of the earth’s core, and the causes of earthquakes: then a few novels: then three books on India. So! He was a reader after all.
The sun fell on her naked limbs through the gable window. Outside she saw the dog Flossie roaming round. The hazel-brake was misted with green, and dark-green dogs-mercury under. It was a clear clean morning with birds flying and triumphantly singing. If only she could stay! If only there weren’t the other ghastly world of smoke and iron! If only he would make her a world.
She came downstairs, down the steep, narrow wooden stairs. Still she would be content with this little house, if only it were in a world of its own.
He was washed and fresh, and the fire was burning.
‘Will you eat anything?’ he said.
‘No! Only lend me a comb.’
She followed him into the scullery, and combed her hair before the handbreadth of mirror by the back door. Then she was ready to go.
She stood in the little front garden, looking at the dewy flowers, the grey bed of pinks in bud already.
‘I would like to have all the rest of the world disappear,’ she said, ‘and live with you here.’
‘It won’t disappear,’ he said.
They went almost in silence through the lovely dewy wood. But they were together in a world of their own.
It was bitter to her to go on to Wragby.
‘I want soon to come and live with you altogether,’ she said as she left him.
He smiled, unanswering.
She got home quietly and unremarked, and went up to her room.
--

Friday, October 2, 2020

14.9 她 kā 彼膦鳥柔柔捏 tī 手

14.9 Yi kā he lān-chiáu jiû-jiû tēⁿ tī chhiú
Hit-lâng chēng-chēng àⁿ khòaⁿ ngē khok-khok ê lān-chiáu, pēng bô siáⁿ piàn-hòa.... "Ái!" chòe-āu i khin-siaⁿ kóng. "Ái, koai-kiáⁿ! Lír tīr hia chin hó-sè. Tio̍h, lír to̍h gia̍h-thâu! Khò lír ka-kī, eh? m̄-bián khò pa̍t-lâng! Lír bián khò óa, John Thomas. Lír sī óa thâu-ke? Eh, hó-lah, lír pí óa khah chhèng, lír khah tiām. John Thomas! Lír beh ài yi bô? Lír beh ài óa ê Jane hj bô? Lír koh kā óa thoa-lo̍h lah, hó kiáⁿ. Ái, taⁿ lír chhiò-hi-hi taⁿ-thâu... Khù mn̄g yi lah! Mn̄g Jane hj! Kóng: Hian lír ê mn̂g, o kā lír ê mn̂g phah khui-khui, hō͘ ui-hong ê ông ji̍p-khù. Ái, lír kāu bīn-phôe! Kóe, lír siūⁿ beh ài kóe. Kā Jane hj kóng, lír beh ài kóe. John Thomas, hām Jane hj ê kóe!..."
"Oh, mài chhòng-tī i," Connie kóng, iōng kha-thâu-u tī chhn̂g-téng pê hiòng i, lám i sán-thiu ê ē-io, kā khiú hiòng yi ka-tī, nn̄g-lia̍p sûi-lo̍h, teh hàiⁿ ê leng soah bak tio̍h i he khiàu khí-lâi teh ngiauh ê lān-chiáu thâu, poān tio̍h hit tih tâm-siûⁿ. Yi ân-ân kā hit-lâng lám tio̍h.
"Tó lo̍h!" i kóng. "Tó lo̍h! Hō͘ góa lâi!" Taⁿ i teh kóaⁿ-kín.
Sū-āu, in lóng chēng lo̍h-lâi liáu-āu, cha-bó͘ tio̍h koh ho̍k-goân hit-ê cha-po͘, boeh khòaⁿ-māi he lān-chiáu ê sîn-pì.
"Taⁿ i sè-sè, nńg-nńg, ná-chhiūⁿ chi̍t-lia̍p sèⁿ-miā ê bah-lûi!" yi kóng, ná iōng chhiú the̍h he nńg koh sè ê lān-chiáu. "Che kám m̄-sī chin kó͘-chui! chiah ū chú-kiàn, chiah kî-koài! Mā chiah thian-chin! I kā góa tōng hiah chhim! Lí chai, lí bē-sái chek-pī i. I mā sī góa ê, m̄-sī kan-ta sī lí ê. I sī góa ê! Chiah ko͘-chui, chiah thian-chin!" Yi kā he lān-chiáu jiû-jiû tēⁿ tī chhiú.
I chhiò chhut-lâi.
"Chiok-hok he pa̍k lán ê sim sio-ài ê liân-kiat," i kóng.
"Tong-jiân!" yi kóng. "Sīm-chì i nńg koh sè ê sî, góa mā kám-kak góa ê sim kap i sio-liân. Lí chia ê mo͘ chiâⁿ kó͘-chui! chiok, chiok bô-kāng!"
"He sī John Thomas ê mo͘, m̄-sī góa ê!" i kóng.
"John Thoamas! John Thomas!" yi kín chim chi̍t-ē hit-ki nńg lān-chiáu, taⁿ koh khai-sí teh ngiauh ah.
"Ái!" hit-lâng kóng, ná-chhiūⁿ ē kan-khó͘ teh chhun-ûn. "I ê kin tèng tīr óa ê lêng-hûn, hit-ê sin-sū! Ū-sî, óa mā m̄-chai án-ná tùi-thāi i. Ái, i ū ka-kī ê ì-chì, chin bái ho̍k-sāi. M̄-koh, óa bē-sái bô i."
"Bo̍k-koài, cha-po͘ lâng lóng kiaⁿ i!" yi kóng. "I chiâⁿ khióng-pò͘."
Hit-lâng choân-sin ka-lún-sún, hit-sî ì-sek ê lâu-tāng koh kái-piàn hong-hiòng, chhiong hiòng ē-bīn. I chin bô nāi-hô, in-ūi he lān-chiáu bān-bān, un-jiû chhiong-móa pho-tāng, tiùⁿ tōa, gia̍h khí, piàn ngē, iōng koài-kî ê seng-koân khoán-sek khiā-khí tī hia, kian-tēng koh hong-sîn tak-tak. Cha-bó͘ ná khòaⁿ mā ná sió-khóa teh khū-khū chùn.
"Lâi! Kā the̍h khì! I sī lí ê," hit-lâng kóng.
Yi ka-lún-sún, yi ka-tī ê sim-chì iûⁿ-khì. I teh tōng yi ê sî, kóng-bē-chhut sóng-khoài ê kek-lia̍t jiû éng chhiâng hiòng yi, khai-sí hit-chióng sîn-kî ê iûⁿ-hòa ê sóng, tián-khui koh tián-khui, kā yi thoa-cháu, it-ti̍t kàu chòe-āu, bông-bo̍k ê ke̍k-toan.
I thiaⁿ tio̍h Stacks Gate hn̄g-hn̄g tân 7 tiám ê chúi-lê siaⁿ. Che sī pài-it chá-khí. I sió-khóa chhoah chi̍t-ē, kā bīn phak tī yi nn̄g-lia̍p leng tiong-kan, teh kah leng-á chuh khí-lâi that tio̍h i ê hīⁿ-khang, chiah bô koh thiaⁿ tio̍h.
Yi sīm-chì bô thiaⁿ tio̍h chúi-lê siaⁿ. Yi tó kah tiām-tiām-tiām, lêng-hûn ná sé--kòe hiah thang-kng.
"Lí tio̍h khí-chhn̂g, kám m̄-sī?" i nauh kóng.
"Kúi tiám ah?" yi lán-lán ê siaⁿ.
"Chhit tiám tú-chiah tân kòe."
"Sī, góa tio̍h khí-chhn̂g."
Kap pêng-siông kāng-khoán, yi tùi chit-chióng gōa-lâi ê ap-pek kám-kak hùn-nō͘.
I chē khí-lâi, sit-sîn khòaⁿ thang-á gōa-kháu.
"Lí ū ài góa, sī bô?" yi pêng-chēng kā mn̄g.
I lia̍h yi khòaⁿ lo̍h.
"Lír chai, che lír chai. Koh mn̄g che beh nî!" i kóng, sió-khóa ià-hoân.
"Góa boeh ài lí lâu góa, mài hō͘ góa cháu." yi kóng.
I ê ba̍k-chiu ná tà chi̍t-iân un-loán, jiû-nńg ê o͘-iáⁿ, bē-tàng su-khó.
"Tī sî? Chit-chūn?"
"Chit-chūn tī lí sim-ni̍h. Chin kín góa tō lâi kap lí tòa, éng-oán chò-hóe."
I chhiah-khò͘-lān chē tī bîn-chhn̂g, thâu tìm-tìm, bô hoat-tō͘ su-khó.
"Lí bô goān-ì sioh?" yi mn̄g.
"Ái!" i kóng.
--
14.9 她 kā 彼膦鳥柔柔捏 tī 手
彼人靜靜 àⁿ 頭看硬硞硞 ê 膦鳥, 並無啥變化.... "Ái!" 最後伊輕聲講. "Ái, 乖囝! Lír tīr 遐真好勢. 著, lír to̍h 攑頭! 靠 lír 家己, eh? 毋免靠別人! Lír 免靠 óa, John Thomas. Lír 是 óa 頭家? Eh, 好 lah, lír 比 óa 較 chhèng, lír 較恬. John Thomas! Lír beh 愛她無? Lír beh 愛 óa ê Jane hj 無? Lír koh kā óa 拖落 lah, 好囝. Ái, 今 lír 笑 hi-hi taⁿ 頭... Khù 問她 lah! 問 Jane hj! 講: 掀 lír ê 門, o kā lír ê 門拍開開, 予威風 ê 王入 khù. Ái, lír 厚面皮! 粿, lír 想 beh 愛粿. Kā Jane hj 講, lír beh 愛粿. John Thomas, 和 Jane hj ê 粿!..."
"Oh, 莫創治伊," Connie 講, 用跤頭趺 tī 床頂爬向伊, 攬伊瘦抽 ê 下腰, kā 搝向她家己, 兩粒垂落, teh 幌 ê 奶煞 bak 著伊彼翹起來 teh ngiauh ê 膦鳥頭, poān 著彼滴澹 siûⁿ. 她絚絚 kā 彼人攬著.
"倒落!" 伊講. "倒落! 予我來!" 今伊 teh 趕緊.
事後, in 攏靜落來了後, 查某著 koh 復原彼个查埔, 欲看覓彼膦鳥 ê 神祕.
"今伊細細, 軟軟, ná 像一粒性命 ê 肉蕾!" 她講, ná 用手提彼軟 koh 細 ê 膦鳥. "這敢毋是真古錐! chiah 有主見, chiah 奇怪! Mā chiah 天真! 伊 kā 我撞 hiah 深! 你知, 你袂使責備伊. 伊 mā 是我 ê, 毋是干焦是你 ê. 伊是我 ê! Chiah 古錐, chiah 天真!" 她 kā 彼膦鳥柔柔捏 tī 手.
伊笑出來.
"祝福彼縛咱 ê 心相愛 ê 連結," 伊講.
"當然!" 她講. "甚至伊軟 koh 細 ê 時, 我 mā 感覺我 ê 心 kap 伊相連. 你遮 ê 毛誠古錐! 足, 足無仝!"
"彼是 John Thomas ê 毛, 毋是我 ê!" 伊講.
"John Thoamas! John Thomas!" 她緊唚一下彼支軟膦鳥, 今 koh 開始 teh ngiauh ah.
"Ái!" 彼人講, ná 像會艱苦 teh 伸勻. "伊 ê 根釘 tīr óa ê 靈魂, 彼个紳士! 有時, óa mā 毋知 án-ná 對待伊. Ái, 伊有 ka-kī ê 意志, 真䆀服侍. M̄-koh, óa 袂使無伊."
"莫怪, 查埔人攏驚伊!" 她講. "伊誠恐怖."
彼人全身 ka-lún-sún, 彼時意識 ê 流動 koh 改變方向, 衝向下面. 伊真無奈何, 因為彼膦鳥慢慢, 溫柔充滿波動, 脹大, 攑起, 變硬, 用怪奇 ê 升懸款式徛起 tī 遐, 堅定 koh 風神 tak-tak. 查某 ná 看 mā ná 小可 teh khū-khū 顫.
"來! Kā 提去! 伊是你 ê," 彼人講.
她 ka-lún-sún, 她家己 ê 心志溶去. 伊 teh 撞她 ê 時, 講袂出爽快 ê 激烈柔湧沖向她, 開始彼種神奇 ê 溶化 ê 爽, 展開 koh 展開, kā 她拖走, 一直到最後, 盲目 ê 極端.
伊聽著 Stacks Gate 遠遠 tân 7 點 ê 水螺聲. 這是拜一早起. 伊小可掣一下, kā 面仆 tī 她兩粒奶中間, 硩 kah 奶仔 chuh 起來窒著伊 ê 耳空, 才無 koh 聽著.
她甚至無聽著水螺聲. 她倒 kah 恬恬恬, 靈魂 ná 洗過 hiah 通光.
"你著起床, 敢毋是?" 伊 nauh 講.
"幾點 ah?" 她懶懶 ê 聲.
"七點拄才 tân 過."
"是, 我著起床."
Kap 平常仝款, 她對這種外來 ê 壓迫感覺憤怒.
伊坐起來, 失神看窗仔外口.
"你有愛我, 是無?" 她平靜 kā 問.
伊掠她看落.
"Lír 知, 這 lír 知. Koh 問這 beh nî!" 伊講, 小可厭煩.
"我欲愛你留我, 莫予我走." 她講.
伊 ê 目睭 ná 罩一沿溫暖, 柔軟 ê 烏影, 袂當思考.
"Tī 時? 這陣?"
"這陣 tī 你心 ni̍h. 真緊我 tō 來 kap 你蹛, 永遠做伙."
伊赤褲膦坐 tī 眠床, 頭 tìm-tìm, 無法度思考.
"你無願意 sioh?" 她問.
"Ái!" 伊講.
--
14.9
The man looked down in silence at the tense phallos, that did not change. — ‘Ay!’ he said at last, in a little voice. ‘Ay ma lad! tha’re theer right enough. Yi, tha mun rear thy head! Theer on thy own, eh? an’ ta’es no count O’ nob’dy! Tha ma’es nowt O’ me, John Thomas. Art boss? of me? Eh well, tha’re more cocky than me, an’ tha says less. John Thomas! Dost want her? Dost want my lady Jane? Tha’s dipped me in again, tha hast. Ay, an’ tha comes up smilin’. — Ax ’er then! Ax lady Jane! Say: Lift up your heads, O ye gates, that the king of glory may come in. Ay, th’ cheek on thee! Cunt, that’s what tha’re after. Tell lady Jane tha wants cunt. John Thomas, an’ th’ cunt O’ lady Jane! — ’
‘Oh, don’t tease him,’ said Connie, crawling on her knees on the bed towards him and putting her arms round his white slender loins, and drawing him to her so that her hanging, swinging breasts touched the tip of the stirring, erect phallos, and caught the drop of moisture. She held the man fast.
‘Lie down!’ he said. ‘Lie down! Let me come!’ He was in a hurry now.
And afterwards, when they had been quite still, the woman had to uncover the man again, to look at the mystery of the phallos.
‘And now he’s tiny, and soft like a little bud of life!’ she said, taking the soft small penis in her hand. ‘Isn’t he somehow lovely! so on his own, so strange! And so innocent! And he comes so far into me! You must never insult him, you know. He’s mine too. He’s not only yours. He’s mine! And so lovely and innocent!’ And she held the penis soft in her hand.
He laughed.
‘Blest be the tie that binds our hearts in kindred love,’ he said.
‘Of course!’ she said. ‘Even when he’s soft and little I feel my heart simply tied to him. And how lovely your hair is here! quite, quite different!’
‘That’s John Thomas’s hair, not mine!’ he said.
‘John Thomas! John Thomas!’ and she quickly kissed the soft penis, that was beginning to stir again.
‘Ay!’ said the man, stretching his body almost painfully. ‘He’s got his root in my soul, has that gentleman! An’ sometimes I don’ know what ter do wi’ him. Ay, he’s got a will of his own, an’ it’s hard to suit him. Yet I wouldn’t have him killed.’
‘No wonder men have always been afraid of him!’ she said. ‘He’s rather terrible.’
The quiver was going through the man’s body, as the stream of consciousness again changed its direction, turning downwards. And he was helpless, as the penis in slow soft undulations filled and surged and rose up, and grew hard, standing there hard and overweening, in its curious towering fashion. The woman too trembled a little as she watched.
‘There! Take him then! He’s thine,’ said the man.
And she quivered, and her own mind melted out. Sharp soft waves of unspeakable pleasure washed over her as he entered her, and started the curious molten thrilling that spread and spread till she was carried away with the last, blind flush of extremity.
He heard the distant hooters of Stacks Gate for seven o’clock. It was Monday morning. He shivered a little, and with his face between her breasts pressed her soft breasts up over his ears, to deafen him.
She had not even heard the hooters. She lay perfectly still, her soul washed transparent.
‘You must get up, mustn’t you?’ he muttered.
‘What time?’ came her colourless voice.
‘Seven-o’clock blowers a bit sin’.’
‘I suppose I must.’
She was resenting as she always did, the compulsion from outside.
He sat up and looked blankly out of the window.
‘You do love me, don’t you?’ she asked calmly.
He looked down at her.
‘Tha knows what tha knows. What dost ax for!’ he said, a little fretfully.
‘I want you to keep me, not to let me go,’ she said.
His eyes seemed full of a warm, soft darkness that could not think.
‘When? Now?’
‘Now in your heart. Then I want to come and live with you, always, soon.’
He sat naked on the bed, with his head dropped, unable to think.
‘Don’t you want it?’ she asked.
‘Ay!’ he said.
--

Thursday, October 1, 2020

14.8 伊用指頭仔弄她 ê 兩粒奶

14.8 I iōng chéng-thâu-á lāng yi ê nn̄g-lia̍p leng
Hit-sî i chhéⁿ lâi, khòaⁿ he kng. Thang-á-lî koaiⁿ tio̍h. I thiaⁿ he tī chhiū-nâ ni̍h o͘-a kap ōe-bâi ki-ki kā-kā ê siaⁿ. Che chiong sī chheng-lóng ê chá-khí, liōng-iok gō͘-tiám pòaⁿ, sī i khí-chhn̂g ê sî-kan. I khùn liáu chin lo̍h-bîn! Che sī choân sin ê chi̍t-kang! Hit-ê cha-bó͘ iáu khùn kah khiau-khiau, jiû-jiû. I sóa chhiú kha̍p yi, yi peh-khui nâ-sek hòⁿ-kî ê ba̍k-chiu, bô-ì-sek tiong tùi i ê bīn teh chhiò.
"Lí chhéⁿ ah sioh?" yi mn̄g i.
I khòaⁿ ji̍p yi ê ba̍k-chiu ni̍h, chhiò-chhiò, kā chim chi̍t-ē. Hut-jiân kan, yi khí-sin, chē khí-lâi.
"Chiâⁿ hó-sńg, góa ná tī chia!" yi kóng.
Yi sì-kè khòaⁿ chit-keng pe̍h-sek ê sió khùn-pâng, siâ ê thian-pông kap gô-thâu-piah ê thang-á, pe̍h-sek ê thang-á-lî koaiⁿ tio̍h. Pâng-keng khang-khang, kan-ta ū chi̍t-ê sè-sè chhat n̂g-sek ê thoah-á kūi, kap chi̍t tè í-á, kap chit-téng yi hām i tó leh ê sió-sió pe̍h-sek ê bîn-chhn̂g.
"Chiâⁿ hó-sńg, lán tī chia!" yi kóng, hiòng ē lia̍h i khòaⁿ. I tó leh khòaⁿ yi, iōng chéng-thâu-á lāng yi he tī po̍h-po̍h khùn-saⁿ ē-bīn ê nn̄g-lia̍p leng. I tī un-loán, pêng-chēng ê sî, khòaⁿ khí-lâi siàu-liân koh iân-tâu. I ê ba̍k-chiu chhiong-móa un-loán. Yi mā chheng-sin koh siàu-liân, ná chi̍t-lúi hoe.
"Góa kā che thǹg tiāu!" yi kóng, ná khiú po̍h-se ê khùn-saⁿ kòe yi ê thâu. Yi chē hia, hiàn-chhut keng-thâu kap sûi-sûi, sió-khóa kim-kim ê nn̄g-lia̍p leng. I kah-ì kā yi ê leng-á ná lêng-á án-ne khin-khin iô-tāng.
"Lí mā tio̍h kā lí ê khùn-saⁿ thǹg lo̍h," yi kóng.
"Eh, nái!"
"Ài! Ài!" yi bēng-lēng.
Án-ne, i tō thǹg-tiāu kū-ê mî-chit khùn-saⁿ, koh thǹg tn̂g-khò͘. Tî-liáu siang-chhiú, chhiú-óaⁿ, bīn, kap ām-kún, i kui-sin pe̍h kah ná gû-leng, kin-bah chhiam-iù kiat-si̍t. Connie hut-jiân koh kám-kak i súi kah ē chha̍k, tō ná chhiūⁿ hit ē-po͘ tú khòaⁿ tio̍h i teh sé sin-khu kāng-khoán.
Kim-sek ê ji̍t-kng chiò tio̍h koaiⁿ tio̍h ê pe̍h-sek thang-á-lî. Yi kám-kak ji̍t-kng siūⁿ boeh ji̍p-lâi.
"Oh, lán kā thang-lî khiú-khui! Chiáu-á mā teh chhiùⁿ-koa! Tio̍h hō͘ ji̍t-thâu ji̍p-lâi," yi kóng.
I lo̍h-chhn̂g, kha-chiah-āu hiòng yi, lō͘-thé, pe̍h koh sán, kiâⁿ khì thang-á, sió-khóa àⁿ-sin, khiú thang-á-lî, koh hiòng gōa-kháu khòaⁿ chi̍t-ē. I ê kha-chiah-phiaⁿ pe̍h koh bí-miāu, nn̄g-ê sè-sè ê kha-chhng-phé súi kah ū iu-ngá koh iù-siù ê cha-po͘ lâng bī, ām-kún-āu âng-gê, iu-bí koh chho͘-ióng.
Chit-ê iù-siù, bí-miāu ê sin-thé ū lāi-chāi, m̄-sī hiòng gōa, ê le̍k-liōng.
"Lí chiâⁿ súi neh!" yi kóng. "Sûn-kiat koh bí-miāu! Kòe lâi!" yi chhun-chhut yi ê siang-chhiú.
I pháiⁿ-sè oa̍t-sin hiòng yi, in-ūi i gia̍h khí ê chhiah-khò͘-lān.
I khioh thô͘-kha ê siatchuh, am-tio̍h ka-tī, chiah kiâⁿ óa yi.
"Mài!" yi kóng, ùi yi he hā-sûi ê leng hia, chhun-chhut yi súi koh iú ê chhiú. "Hō͘ góa khòaⁿ lí!"
I pàng tiāu saⁿ, khiā tiām, ná khòaⁿ hiòng yi. Ji̍t-thâu ùi thang-á ē siā-ji̍p chi̍t-tiâu kng-sòaⁿ, chiò tio̍h i ê tōa-thúi, liap-liap ê pak-tó͘, kap hit-ki khiàu lān-chiáu, ùi hit khiû chhàng-chhàng kim-âng ê mo͘-chhok ni̍h gia̍h-khí, o͘-sian koh ná sio-thǹg-thǹg. Yi gāng--khì koh tio̍h chi̍t-kiaⁿ.
"Chiâⁿ koài-kî!" yi bān-bān kóng. "I khiā án-ne, chiâⁿ koài-kî! Hiah tōa! hiah o͘-sian, koh chhèng kōa-kōa! I sī án-ne ah?"
Hit-lâng khòaⁿ lo̍h i sán-thiu pe̍h-sek sin-khu ê thâu-chêng, chhiò chhut-lâi. Nn̄g-lia̍p sió leng tiong-kan ê heng-mo͘ sī àm-sek ê, chha-put-to sī o͘ ê. M̄-koh tī ē-pak, lān-chiáu tiùⁿ-tōa koh gia̍h-koân hia ê mo͘ sī kim-âng, chhàng-chhàng chi̍t-chhok.
"Chiâⁿ chhèng!" yi put-an i-i ū-ū kóng. "Chiâⁿ ui-hong! Chit-má góa chai, sī án-chóaⁿ cha-po͘ lâng hiah hoâiⁿ! M̄-koh, i chiâⁿ kó͘-chui, chin ê. Ná-chhiūⁿ i ū sèⁿ-miā! Sió-khóa hō͘ lâng kiaⁿ! M̄-koh, chin ê, chiâⁿ kó͘-chui! Taⁿ i boeh lâi chhōe góa!..." Yi ē-tûn kā leh, tio̍h-kiaⁿ koh hèng chhih-chhih.
--
14.8 伊用指頭仔弄她 ê 兩粒奶
彼時伊醒來, 看彼光. 窗仔簾關著. 伊聽彼 tī 樹林 ni̍h 烏鴉 kap 畫眉 ki-ki kā-kā ê 聲. 這將是清朗 ê 早起, 量約五點半, 是伊起床 ê 時間. 伊睏了真落眠! 這是全新 ê 一工! 彼个查某猶睏 kah khiau-khiau, 柔柔. 伊徙手磕她, 她擘開藍色好奇 ê 目睭, 無意識中 tùi 伊 ê 面 teh 笑.
"你醒 ah sioh?" 她問伊.
伊看入她 ê 目睭 ni̍h, 笑笑, kā 唚一下. 忽然間, 她起身, 坐起來.
"誠好耍, 我那 tī 遮!" 她講.
她四界看這間白色 ê 小睏房, 斜 ê 天篷 kap gô 頭壁 ê 窗仔, 白色 ê 窗仔簾關著. 房間空空, 干焦有一个細細漆黃色 ê 屜仔櫃, kap 一塊椅仔, kap 這頂她和伊倒 leh ê 小小白色 ê 眠床.
"誠好耍, 咱 tī 遮!" 她講, 向下掠伊看. 伊倒 leh 看她, 用指頭仔弄她彼 tī 薄薄睏衫下面 ê 兩粒奶. 伊 tī 溫暖, 平靜 ê 時, 看起來少年 koh 緣投. 伊 ê 目睭充滿溫暖. 她 mā 清新 koh 少年, ná 一蕊花.
"我 kā 這褪掉!" 她講, ná 搝薄紗 ê 睏衫過她 ê 頭. 她坐遐, 現出肩頭 kap 垂垂, 小可金金 ê 兩粒奶. 伊佮意 kā 她 ê 奶仔 ná 鈴仔 án-ne 輕輕搖動.
"你 mā 著 kā 你 ê 睏衫褪落," 她講.
"Eh, nái!"
"愛! 愛!" 她命令.
Án-ne, 伊 tō 褪掉舊 ê 棉質睏衫, koh 褪長褲. 除了雙手, 手腕, 面, kap 頷頸, 伊規身白 kah ná 牛奶, 筋肉纖幼結實. Connie 忽然 koh 感覺伊媠 kah 會鑿, tō ná 像彼下晡拄看著伊 teh 洗身軀仝款.
金色 ê 日光照著關著 ê 白色窗仔簾. 她感覺日光想欲入來.
"Oh, 咱 kā 窗簾搝開! 鳥仔 mā teh 唱歌! 著予日頭入來," 她講.
伊落床, 尻脊後向她, 露體, 白 koh 瘦, 行去窗仔, 小可 àⁿ 身, 搝窗仔簾, koh 向外口看一下. 伊 ê 尻脊骿白 koh 美妙, 兩个細細 ê 尻川䫌媠 kah 有優雅 koh 幼秀 ê 查埔人味, 頷頸後紅牙, 優美 koh 粗勇.
這个幼秀, 美妙 ê 身體有內在, 毋是向外, ê 力量.
"你誠媠 neh!" 她講. "純潔 koh 美妙! 過來!" 她伸出她 ê 雙手.
伊歹勢越身向她, 因為伊攑起 ê 赤褲 lān.
伊抾塗跤 ê siatchuh, 掩著家己, 才行倚她.
"莫!" 她講, ùi 她彼下垂 ê 奶遐, 伸出她媠 koh 幼 ê 手. "予我看你!"
伊放掉衫, 徛恬, ná 看向她. 日頭 ùi 窗仔下射入一條光線, 照著伊 ê 大腿, liap-liap ê 腹肚, kap 彼支翹 lān-chiáu, ùi 彼虯 chhàng-chhàng 金紅 ê 毛簇 ni̍h 攑起, 烏 sian koh ná 燒燙燙. 她 gāng 去 koh 著一驚.
"誠怪奇!" 她慢慢講. "伊徛 án-ne, 誠怪奇! Hiah 大! hiah 烏 sian, koh chhèng kōa-kōa! 伊是 án-ne ah?"
彼人看落伊瘦抽白色身軀 ê 頭前, 笑出來. 兩粒小奶中間 ê 胸毛是暗色 ê, 差不多是烏 ê. M̄-koh tī 下腹, lān-chiáu 脹大 koh 攑懸遐 ê 毛是金紅, chhàng-chhàng 一簇.
"誠 chhèng!" 她不安 i-i ū-ū 講. "誠威風! Chit-má 我知, 是按怎查埔人 hiah 橫! M̄-koh, 伊誠古錐, 真 ê. Ná 像伊有性命! 小可予人驚! M̄-koh, 真 ê, 誠古錐! 今伊欲來揣我!..." 她下唇咬 leh, 著驚 koh 興 chhih-chhih.
--
14.8
Then he woke up and looked at the light. The curtains were drawn. He listened to the loud wild calling of blackbirds and thrushes in the wood. It would be a brilliant morning, about half past five, his hour for rising. He had slept so fast! It was such a new day! The woman was still curled asleep and tender. His hand moved on her, and she opened her blue wondering eyes, smiling unconsciously into his face.
‘Are you awake?’ she said to him.
He was looking into her eyes. He smiled, and kissed her. And suddenly she roused and sat up.
‘Fancy that I am here!’ she said.
She looked round the whitewashed little bedroom with its sloping ceiling and gable window where the white curtains were closed. The room was bare save for a little yellow-painted chest of drawers, and a chair: and the smallish white bed in which she lay with him.
‘Fancy that we are here!’ she said, looking down at him. He was lying watching her, stroking her breasts with his fingers, under the thin nightdress. When he was warm and smoothed out, he looked young and handsome. His eyes could look so warm. And she was fresh and young like a flower.
‘I want to take this off!’ she said, gathering the thin batiste nightdress and pulling it over her head. She sat there with bare shoulders and longish breasts faintly golden. He loved to make her breasts swing softly, like bells.
‘You must take off your pyjamas too,’ she said.
‘Eh, nay!’
‘Yes! Yes!’ she commanded.
And he took off his old cotton pyjama-jacket, and pushed down the trousers. Save for his hands and wrists and face and neck he was white as milk, with fine slender muscular flesh. To Connie he was suddenly piercingly beautiful again, as when she had seen him that afternoon washing himself.
Gold of sunshine touched the closed white curtain. She felt it wanted to come in.
‘Oh, do let’s draw the curtains! The birds are singing so! Do let the sun in,’ she said.
He slipped out of bed with his back to her, naked and white and thin, and went to the window, stooping a little, drawing the curtains and looking out for a moment. The back was white and fine, the small buttocks beautiful with an exquisite, delicate manliness, the back of the neck ruddy and delicate and yet strong.
There was an inward, not an outward strength in the delicate fine body.
‘But you are beautiful!’ she said. ‘So pure and fine! Come!’ She held her arms out.
He was ashamed to turn to her, because of his aroused nakedness.
He caught his shirt off the floor, and held it to him, coming to her.
‘No!’ she said still holding out her beautiful slim arms from her dropping breasts. ‘Let me see you!’
He dropped the shirt and stood still looking towards her. The sun through the low window sent in a beam that lit up his thighs and slim belly and the erect phallos rising darkish and hot-looking from the little cloud of vivid gold-red hair. She was startled and afraid.
‘How strange!’ she said slowly. ‘How strange he stands there! So big! and so dark and cock-sure! Is he like that?’
The man looked down the front of his slender white body, and laughed. Between the slim breasts the hair was dark, almost black. But at the root of the belly, where the phallos rose thick and arching, it was gold-red, vivid in a little cloud.
‘So proud!’ she murmured, uneasy. ‘And so lordly! Now I know why men are so overbearing! But he’s lovely, really. Like another being! A bit terrifying! But lovely really! And he comes to me! — ’ She caught her lower lip between her teeth, in fear and excitement.
--